Peruvaram Mahadeva Temple North Parur Ernakulam

This ancient temple is unique as Lord Parameswara faces east while Goddess Parvati faces west within the same sanctum. The shrine itself is circular in shape. The temple also houses several sub-deities, including Lord Ganapati at Kannimoola, Yakshi at Palachuvatt on the northern side, and Dharmasastha along with the Naga deities on the southern side. About a mile east of this temple is the Mandam Subramanyaswamy Temple.

One of the most distinctive features of this temple is the daily Sahasrakumbhabhishekam performed for Lord Mahadeva, except during festival days. In addition, offerings such as milk and Kalabham (sandalwood paste) are frequently made. The temple is flanked by pools on both its eastern and western sides. The administration of the temple is under the Travancore Devaswom Board. The temple's annual festival, Thiruvathira Arattai, is celebrated over ten days in the month of May. Historical records suggest that the temple was established by the rulers of Paravur from the Pindinivattam Swaroopam.

This temple is one of the rarest where Lord Shiva and Goddess Parvati are positioned facing each other within the same sanctum. Just as Udayanapuram is located east of the Vaikom temple, the Mandam Subramanyaswamy Temple is situated to the east of Peruvarathappan. A unique tradition observed here is that Mandathappan visits his father Peruvarathappan only once a year during the festival. On the ninth day of the festival, known as Valiyavilakku, Mandathappan joins Peruvarathappan in a grand procession accompanied by traditional orchestras and folk art forms like Theyyam.

പെരുവാരം മഹാദേവ ക്ഷേത്രം

എറണാകുളം ജില്ലയിലെ വടക്കൻ പറവൂരിൽ സ്ഥിതി ചെയ്യുന്ന പുരാതന ശിവക്ഷേത്രമാണ് പെരുവാരം മഹാദേവ ക്ഷേത്രം. ഈ ക്ഷേത്രത്തിലെ മുഖ്യ പ്രതിഷ്ഠ കിഴക്കോട്ടു ദർശനമായുള്ള പരമശിവനും പടിഞ്ഞാറോട്ടു ദർശനമായ പാർവതിദേവിയും ഒരേ ശ്രീകോവിലിൽ വാഴുന്ന സവിശേഷതയുള്ളതാണ്. ശ്രീകോവിൽ വൃത്താകൃതിയിലാണ് നിർമിച്ചിരിക്കുന്നത്. ക്ഷേത്രത്തിലെ ഉപദേവതകളായി, കന്നിമൂലയിൽ ഗണപതി, വടക്കുവശത്ത് പാലച്ചുവട്ടിൽ യക്ഷി, തെക്കുവശത്ത് ധർമ്മശാസ്താവ്, നാഗദേവതകൾ എന്നിവരുടെ പ്രതിഷ്ഠകളുണ്ട്.

ക്ഷേത്രത്തിന് ഏകദേശം ഒരു മൈൽ കിഴക്കായി മന്ദം സുബ്രഹ്മണ്യസ്വാമി ക്ഷേത്രം സ്ഥിതി ചെയ്യുന്നു. ഈ ക്ഷേത്രത്തിന്റെ ഏറ്റവും പ്രധാനപ്പെട്ട പ്രത്യേകത ഉത്സവകാലത്തൊഴിച്ചാൽ എല്ലാ ദിവസവും ശ്രീമഹാദേവനു സഹസ്രകുംഭാഭിഷേകം നടത്തപ്പെടുന്നതാണ്. കൂടാതെ ക്ഷീരധാര, കളഭാഭിഷേകം തുടങ്ങിയ വഴിപാടുകളും വിശേഷമായി ഇവിടെ നടത്തുന്നു. ക്ഷേത്രത്തിന്റെ കിഴക്കുവശത്തും പടിഞ്ഞാറുവശത്തും വലിയ കുളങ്ങൾ സ്ഥിതി ചെയ്യുന്നു.

തിരുവിതാംകൂർ ദേവസ്വം ബോർഡിന്റെ ഭരണത്തിലിരിക്കുന്ന ഈ ക്ഷേത്രത്തിന്റെ താന്ത്രികാവകാശം വേഴപ്പറമ്പ് മനയ്ക്കാണ്. മേൽശാന്തി പുറപ്പെടാ ശാന്തിയാണ്. ക്ഷേത്രത്തിന്റെ കാരായ്മ കഴകം ചെറുവല്ല്യാകുളങ്ങര വാര്യത്തിന്റെയും വയലിൽ വീടിന്റെയും കൈവശമാണ്. വേഴപ്പറമ്പ് മന, ആലുവ-പറവൂർ സംസ്ഥാന പാതയിൽ മനയ്ക്കപ്പടി എന്ന സ്ഥലത്താണ് സ്ഥിതി ചെയ്യുന്നത്. ക്ഷേത്രത്തിനോട് ചേർന്ന് പടിഞ്ഞാറായി മേൽശാന്തിയുടെ മഠവും വടക്കുവശത്ത് വയലിൽ വീടും, 250 മീറ്റർ തെക്കു പടിഞ്ഞാറായി ചെറുവല്ല്യാകുളങ്ങര വാര്യവും സ്ഥിതി ചെയ്യുന്നു.

പെരുവാരത്ത് മേടമാസത്തിലെ തിരുവാതിര ആറാട്ടായി പത്തുദിവസം നീണ്ടുനില്ക്കുന്ന ഉത്സവം അതിഗംഭീരമായി ആഘോഷിക്കപ്പെടുന്നു. കൊല്ലവർഷ പ്രകാരം കേരളത്തിലെ ക്ഷേത്രോത്സവങ്ങളിൽ അവസാനഘട്ടത്തിൽ നടക്കുന്ന ഉത്സവങ്ങളിൽ ഒന്നായി പെരുവാരത്തെ മഹോത്സവം കണക്കാക്കപ്പെടുന്നു. പെരുവാരം മഹാദേവക്ഷേത്രം പറവൂർ തമ്പുരാൻ (പിണ്ടിനിവട്ടത്ത് സ്വരൂപം) പണികഴിപ്പിച്ചതാണെന്ന് വിശ്വസിക്കപ്പെടുന്നു. ക്ഷേത്രത്തിന്റെ നിർമ്മാണശൈലിയും കൊത്തുപണികളും പരിശോധിക്കുമ്പോൾ ഇത് ഏകദേശം 600-800 വർഷം പഴക്കമുള്ളതാണെന്ന് ഗവേഷകർ വിലയിരുത്തുന്നു.

പരശുരാമൻ സ്ഥാപിച്ച കേരളത്തിലെ അറുപത്തിനാലു ഗ്രാമങ്ങളിലൊന്നായ പറവൂരിന്റെ ഗ്രാമക്ഷേത്രമായി പെരുവാരം മഹാദേവക്ഷേത്രം കണക്കാക്കപ്പെടുന്നു. പറവൂർ തമ്പുരാന്റെ ഇഷ്ടദേവനായി അറിയപ്പെട്ടിരുന്ന പെരുവാരത്തപ്പൻ, ടിപ്പു സുൽത്താന്റെ പടയോട്ടത്തിനിടയിൽ ഗുരുതരമായി ബാധിക്കപ്പെട്ടതായി ഐതിഹ്യം പറയുന്നു. ക്ഷേത്രത്തിലെ സ്വർണ്ണക്കൊടിമരം പിഴുതെടുക്കുകയും എന്നാൽ അതിനെ അമ്പലത്തിനടുത്തുള്ള പുല്ലംകുളം എന്ന സ്ഥലത്ത് കുഴിച്ചുമൂടുകയുമാണുണ്ടായതെന്ന് പറയപ്പെടുന്നു. ടിപ്പു തകർത്ത പെരുംകുളങ്ങര കാവ് എന്ന ദേവീക്ഷേത്രവും പെരുവാരം ക്ഷേത്രത്തിനു വടക്കായി സ്ഥിതി ചെയ്യുന്നു പെരുവാരം മഹാദേവക്ഷേത്രത്തിനും മന്ദം സുബ്രഹ്മണ്യക്ഷേത്രത്തിനും ഇടയിൽ വാണിയക്കാടിൽ സ്ഥിതിചെയ്യുന്ന ഒരു ചെറിയ ക്ഷേത്രമാണ് കുന്നത്തമ്പലം.

ഈ മൂന്ന് ക്ഷേത്രങ്ങളെയും കുറിച്ചുള്ള ഒരു പ്രചാരികഥ നിലവിലുണ്ട്. ഐതിഹ്യമനുസരിച്ച്, ഈ മൂന്നു ക്ഷേത്രങ്ങളും ഒരേ രാത്രിയിൽ പണിതീരാൻ ഉദ്ദേശിച്ചിരുന്നു. എന്നാൽ പെരുവാരം ക്ഷേത്രത്തിന്റെ നിർമാണം പൂർത്തിയാകുന്നതിന് മുമ്പ് നേരം വെളുത്തു, ഇതോടെ പണിക്കാർ ക്ഷേത്ര നിർമ്മാണം ഉപേക്ഷിച്ചു. അതുകൊണ്ടുതന്നെ ഇന്ന് വരെ പെരുവാരം മഹാദേവക്ഷേത്രത്തിൽ ക്ഷേത്രവുമായി ബന്ധപ്പെട്ട് എപ്പോഴും ചില നിർമാണപ്രവർത്തനങ്ങൾ തുടരുന്നുണ്ടെന്നു വിശ്വസിക്കപ്പെടുന്നു. ഈ ഐതിഹ്യവുമായി ബന്ധപ്പെട്ട്, "മന്നം, കുന്നം, പണി തീരാ പെരുവാരം" എന്നൊരു പഴഞ്ചൊല്ലും പ്രദേശവാസികൾ പറയാറുണ്ട്.

ശ്രീ പരമേശ്വരൻ തന്റെ പരിവാരങ്ങളോടെ കുടികൊള്ളുന്നതിനാൽ "പരിവാരം" എന്നത് ലോപിച്ച് "പെരുവാരം" ആയി മാറിയതാണെന്നാണ് വിശ്വാസം. ഈ ക്ഷേത്രം സ്ഥിതിചെയ്യുന്ന പ്രദേശവും അതിനാലാണ് പെരുവാരം എന്ന പേരിൽ അറിയപ്പെടുന്നത്. വൈക്കത്തിന് ഉദയനാപുരമെന്നപോലെ, പെരുവാരത്തപ്പന് കിഴക്കുവശത്ത് മന്ദം സുബ്രഹ്മണ്യസ്വാമി ക്ഷേത്രം സ്ഥിതി ചെയ്യുന്നു. വർഷത്തിലൊരുദിവസം മാത്രം മന്ദത്തപ്പൻ തന്റെ അച്ഛനായ പെരുവാരത്തപ്പന്റെ തിരുവുത്സവത്തിൽ എത്തിച്ചേരുന്ന അപൂർവ ചടങ്ങ് ഇവിടെ നടന്നു വരുന്നു. വലിയവിളക്ക് (ഒൻപതാം ഉത്സവം) ദർശിക്കാനെത്തുന്ന മന്ദത്തപ്പൻ, വാദ്യമേളങ്ങളോടും തെയ്യം പോലെയുള്ള നാടൻ കലാരൂപങ്ങളോടും കൂടിയ താലവുമായാണ് പെരുവാരത്തപ്പന്റെ തിരുസന്നിധിയിൽ എത്തുന്നത്. ഇതിലൂടെ ഉത്സവാഘോഷത്തിൽ പങ്കാളിയാകുന്ന മന്ദത്തപ്പന്റെ സാന്നിധ്യം പെരുവാരം മഹാദേവക്ഷേത്രത്തിലെ ഉത്സവത്തിനൊരു അപൂർവ ചൈതന്യം നൽകുന്നു.

Address:
North Paravoor,
North Paravur, Kerala 683513